शेयर बजारको उकालो यात्रा कायमै, १७ अंकले बढ्यो नेप्से

काठमाडौं । नेपाल स्टक एक्सचेञ्ज (नेप्से)को उकालो यात्रा कायमै रहेको छ । सोमबार १९.९७ अंकले बढेको नेप्से मंगलबार पनि १७.८० अंकले बढेको हो ।

नेप्से परिसुचक बढेपनि कारोबार भने घटेको छ । सोमबार १० अर्बको कारोबार भएको नेप्सेमा मंगलबार ८ अर्ब ५२ करोड १२ लाखको कारोबार भएको हो ।

नेप्सेका अनुसार आजको कारोबारमा १४२ कम्पनीको शेयरमूल्य बढ्दा ९७ को घट्यो । ५ कम्पनीको शेयर मूल्य स्थिर रहेको छ । यसमध्ये दुई कम्पनीको शेयर मूल्यमा सकारात्मक सर्किट लागेको छ ।

अप्पर स्याङ्गे हाइडोपावर कम्पनीको शेयर मूल्यमा सर्वाधिक गिरावट आएको छ । आज यस कम्पनीको शेयर मूल्य ९.५१ प्रतिशतले घटेर प्रतिकित्ता ७९० रुपैयाँमा झरेको छ ।

आजको कारोबारमा ङादी ग्रुप पावर कम्पनीको सर्वाधिक कारोबार भएको छ । यस कम्पनीको २६ करोड ७४ लाखको कारोबार भएको छ ।