घरको शौचालय लडेर हेटौँडामा युवकको मृत्यु
नेपाल प्रेस
२०८१ मंसिर १९ गते ९:२१
हेटौँडा । मकवानपुरको हेटौँडा उपमहानगरपालिका-६ कल्यानटारमा आफ्नै घरको शौचालयबाट निस्कने क्रममा लडेर एक युवकको मृत्यु भएको छ ।
मृत्यु हुनेमा २८ वर्षीय उद्धव राई रहेका छन् ।
उनी मङ्गलवार साँझ आफ्नै घरको शौचालयबाट निस्कने क्रममा शौचालय बाहिर लडेर बेहोस भएका थिए ।
राईलाई उपचारका लागि हेटौँडा अस्पताल ल्याइएकोमा उपचारको क्रममा गएराति डाक्टरले मृत घोषणा गरेको जिल्ला प्रहरी कार्यालय मकवानपुरले जनाएको छ ।
राईको शव हेटौँडा अस्पतालको शव गृहमा रहेको र घटनाको थप अनुसन्धान भइरहेको प्रहरीले जनाएको छ ।
नेपाल प्रेस
प्रकाशित: २०८१ मंसिर १९ गते ९:२१
प्रतिक्रिया
सम्बन्धित खवर
