पत्रकार महासंघमा तीन महिला केन्द्रीय सदस्य निर्विरोध, यस्तो छ उम्मेदवारको अन्तिम सूची

काठमाडौं । नेपाल पत्रकार महासंघको ४७ सदस्यीय केन्द्रीय समितिका लागि हुन लागेको निर्वाचनमा तीन जना सदस्य निर्विरोध निर्वाचित भएका छन् ।

उम्मेदवारको अन्तिम नामावली प्रकाशनपछि आदिवासी जनजाति महिला सदस्यमा देविका घर्तीमगर, दलित भित्रकाे दलित महिलामा सावित्री रसाइली र महिला सदस्यकाे दलितमा रीता बुढाथोकी निर्विरोध भएका हुन् ।

निर्विरोध निर्वाचित भएकामध्ये देविका घर्ती र सावित्रा रसाइली एमाले निकट प्रेस चौतारीका हुन् भने बुढाथोकी माओवादी निकट प्रेस सेन्टरकी उम्मेदवार हुन् ।

निर्वाचन समितिले उम्मेदवारको अन्तिम नामावली प्रकाशन गरेको छ । महासंघमा ५२ सदस्यीय केन्द्रीय समितिका लागि १३३ जनाको उम्मेदवारी दर्ता भए पनि अन्तिम नामावली प्रकाशन हुदाँ अध्यक्षदेखि सदस्यसम्म गरेर ९ जनाले उम्मेदवारी फिर्ता लिएका छन् भने १२४ जनाको उम्मेदवारी कायम भएको छ ।