प्रचण्ड नातिनी स्मिताको बिहेमा मोदीको शुभकामना

काठमाडौं । भारतीय प्रधानमन्त्री नरेन्द्र मोदीले पूर्वप्रधानमन्त्री एवम् नेकपा माओवादी केन्द्रका अध्यक्ष पुष्पकमल दाहाल प्रचण्डकी नातिनी तथा गंगा दाहालकी छोरी स्मिताको बिहेको शुभकामना दिएका छन् ।

गंगा दाहाललाई सम्बोधन गरेर लेखिएको पत्रमा स्मिता र सयुज्यलाई दाम्पत्य जीवनको शुभकामना दिइएको छ । सोमबार दाहालले सामाजिक सन्जालमा सार्वजनिक गरेको पत्रमा प्रचण्डलाई पनि अभिवादन गरिएको छ ।

डिसेम्बर ६ को बिहेको लागि चार दिन अगाडि मोदीले पत्रबाट शुभकामना दिएका हुन् ।