रेमनको शानदार इनिङमा पोखराले काठमान्डुलाई दियाे १३९ रनको लक्ष्य

काठमाडौं । नेपाल प्रिमियर लिग (एनपीएल) मा पोखरा एभेन्जर्सले काठमान्डु गुर्खाजसामु १३९ रनको लक्ष्य प्रस्तुत गरेको छ ।

टीयु क्रिकेट मैदानमा टस हारेर पहिला ब्याटिङ गरेको पोखराले निर्धारित २० ओभरमा ८ विकेट गुमाउँदै १३८ रनकाे लक्ष्य प्रस्तुत गरेकाे हाे।

पोखराका लागि रेमन्ड रिफरले सर्वाधिक ४१ रन बनाए । त्यस्तै  दिनेश खरेलले  ३८ रन बनाए ।  सो क्रममा उनले एक छक्का चार चौका प्रहार गरे । दिलिपनाथले २७ रन बनाएर आउट भए । कप्तान कुशल भुर्तेलले ७  रन मात्र बनाए । अन्य कुनै पनि खेलाडीले दोहोरो अङ्कको रन बनाउन सकेनन् ।

काठमाण्डुका लागि कप्तान करण केसी र रसिद खानले  सर्वाधिक समान तीन / तीन विकेट लिए ।  यस्तै, गेरहार्ड इरास्मसले एक विकेट हात पारे । दुबै टोली प्लेअफमा पुग्न कोशिस गरिरहेका छन् ।