पत्रकार महासंघ सिन्धुपाल्चोकमा दंगाल निर्वाचित

सिन्धुपाल्चोक । नेपाल पत्रकार महासंघ सिन्धुपाल्चोक शाखाको अध्यक्षमा ध्रुव दंगाल निर्वाचित भएका छन् । प्रेस युनियन र प्रेस चौतारीको गठबन्धनबाट दंगाल अध्यक्षमा निर्वाचित भएका हुन् ।

उनले ५० मत ल्याएका थिए । उनका निकटतम प्रतिद्वन्द्वी प्रेस चौतारीबाट विद्रोह गरेर प्रेस सेन्टरको समर्थनमा उमेदवारी दिएका दिनेश थापाले ४५ मत ल्याएका थिए ।

त्यस्तै उपाध्यक्षमा गठबन्धनबाटै दिपक अर्याल,महिला उपाध्यक्ष कमला पाख्रिन,सचिव टिका सुवेदी,समावेशी सह–सचिव सञ्जय तामाङ,सह–सचिव खुला देवराज सुवेदी निर्वाचित भएका छन् ।

कोषाध्यक्षमा भने दिनेश थापा प्यानलका प्रेस सेन्टरका दिपक खत्री गठबन्धनका उम्मेदवार निरोज चौलागाईलाई १ मत ले पछि पार्दै निर्वाचित भए । त्यस्तै सदस्यहरुमा गोमा खत्री,फुलमान तामाङ,चण्डिका नेपाली,अर्जुन शर्मा, किरण थापा,दिपीन ढुगाना,निर्मल बस्नेत, प्रमिला बिक, प्रितमकुमार तामाङ, बुद्धिप्रसाद आचार्य, विपना तामाङ,सहदेव भण्डारी र सागर खड्का निर्वाचित भएका छन् ।

केन्द्रीय प्रतिनिधिहरुमा रामकृष्ण थापा,चित्र मिजार र ज्ञानेन्द्र तिमिल्सिना निर्वाचित भएका छन् । प्रेस युनियन र चौतारी गठबन्धन भएपनि केन्द्रीय अध्यक्षमा भने प्रेस युनियनबाट बागी उमेदवार दिएका रमेश विष्टलाई सिन्धुपाल्चोकबाट बढी मत गएको छ ।

विष्टले ४६ मत पाउदा निर्मला शर्माले ४२ मत मात्रै पाएकी छन् । थापा प्यानलबाट पनि अधिकांश मत केन्द्रीय अध्यक्ष शर्माको पक्षमा गएको थियो । त्यस्तै प्रदेशमा गठबन्धनका उमेदवार शिव देवकोटाले ३९ मत पाउँदा प्रेस सेन्टरका कृष्ण सारु मगरलाई ५६ मत पाएका छन् ।