भालेकानोसँग बराबरीमा रोकियो रियल

हेटौँडा । रायो भालेकानोसँग बराबरीमा रोकिएपछि रियल मड्रिडले स्पेनिस लिग ला लिगाको अंक तालिकाको शीर्ष स्थानमा उक्लने मौका गुमाएको छ ।

शनिवार राती सम्पन्न खेलमा रायो भालेकानोसँग ३-३ गोलको बराबरीमा रोकिएसँग रियल मड्रिडले मौका गुमाएको हो ।

खेलको चौथो मिनेटमा नै घरेलु टिमले गोल गर्दै रियललाई स्तब्ध पार्‍यो । भालेकोनाका लागि उनाइ लोपेजले गोल गरेका हुन् । ३६औँ मिनेटमा अब्दुल मुनिमले अग्रता दोब्बर पारे ।

३९औँ मिनेटमा रियलका फेडेरिको भाल्भर्डेले गोल गर्दै दूरी २-१ मा झारे । ४५औँ मिनेटमा जुड बेलिङगमले बराबरी गोल फर्काए ।

५६औँ मिनेटमा रोद्रिगोले गोल गरेपछि रियल जित नजिक पुग्यो । तर, ६४औँ मिनेटमा भालेकानोका इसी प्लाजोनले गोल गरेपछि खेल ३-३ मा सकियो ।

दोस्रो स्थानमा रहेको रियलको १७ खेलबाट ३७ अंक छ । शीर्ष स्थानको बार्सिलोनासँग एक अंकको अग्रता छ ।

१३औँ स्थानमा रहेको भालेकानोको १६ खेलबाट २० अंक छ ।