एमालेको बझाङ अध्यक्षमा भण्डारी र सचिवमा बोहरा निर्वाचित

बझाङ । नेपाल कम्युनिष्ट पार्टी एमालेको बझाङ जिल्ला कमिटीको अध्यक्षमा दिलबहादुर भण्डारी निर्वाचित भएका छन् ।

पार्टीको ८औं जिल्ला अधिवेशनमा शुक्रबार भएको मतदानमा २०८ मत प्राप्त गर्दै भण्डारी अध्यक्षमा निर्वाचित भएका हुन् । उनका प्रतिस्पर्धी कलक खड्काले १५३ मत पाएका थिए ।

त्यस्तै उपाध्यक्षमा लालबहादुर विष्टले २१७ मत ल्याएर निर्वाचित हुँदा प्रतिस्पर्धी प्रयागराज जोशीले १२१ मत पाए । सचिवमा नयन बोहराले २०५ मत पाएर निर्वाचित भए । प्रतिस्पर्धी लोकेन्द्र सिंहले १६९ मत पाए ।

खुलातर्फका उपसचिवमा पंकज भण्डारीले २२३ मत ल्याएर निर्वाचित हुँदा प्रतिस्पर्धी दिनेश नेपालीले १३७ मत प्राप्त गरेका थिए । महिलातर्फको उपसचिवमा विजयी राधा विष्ट खत्रीले १६६ मत प्राप्त गरेकी थिइन् । उनका प्रतिस्पर्धी पार्वती कुँवर भण्डारीले १०३ र जुना जाग्रीले ६९ मत प्राप्त गरेकी थिइन् ।