चार सय रुपैयाँले बढ्यो सुनको मूल्य

काठमाडौं । नेपाली बजारमा सुनको मूल्यमा आज बढेको छ । आइतबार तोलामा एक लाख ५० हजार ८ सय रुपैयाँमा कारोबार भएको सुनको मूल्य आज चार सय रुपैयाँले बढेको हो ।

नेपाल सुनचाँदी व्यवसायी महासंघका अनुसार आज सुनको मूल्य प्रतितोला एक लाख ५१ हजार २ सय रुपैयाँ कायम भएको छ ।

त्यस्तै, चाँदीको मूल्य भने स्थिर रहेको छ । यसअघि प्रतितोला एक हजार ८४० रुपैयाँमा कारोबार भएको चाँदीको मूल्य आज पनि सोही मूल्य कायम भएको महासंघले जनाएको छ ।