ट्रकले मोटरसाइकललाई ठक्कर दिँदा चालकको मृत्यु 

रुपन्देही ।  दाङमा ट्रकले मोटरसाइकललाई ठक्कर दिँदा मोटरसाइकल चालकको मृत्यु भएको छ ।

सोमबार बेलुका राप्ती गाउँपालिका वडा नं २ लालमटियाको कटेशनाला नजिक पश्चिमबाट पूर्वतर्फ जाँदै गरेको वा ४ ख २२६१ नम्बरको ट्रकले पूर्वबाट पश्चिमतर्फ जाँदै गरेको रा ८ प ४१४६ नम्बरको मोटरसाइकललाई ठक्कर दिँदा मोटरसाइकल चालकको मृत्यु भएको इलाका प्रहरी कार्यालय भालुवाङले जनाएको छ ।

घाइतेलाई स्वास्थ्य चौकी भालुवाङ लगिए पनि उनलाई चिकित्सकले मृत घोषणा गरेका थिए । मृतकको परिचय खुल्न नसकेको इलाका प्रहरी कार्यालय भालुवाङले जनाएको छ । ट्रक प्रहरीको नियन्त्रणमा रहेको छ ।