भारतीय क्रिकेटर आश्विनले लिए अन्तर्राष्ट्रिय क्रिकेटबाट संन्यास
नेपाल प्रेस
२०८१ पुष ३ गते १२:००
काठमाडौं । भारतीय क्रिकेटर रविचन्द्रन आश्विनले अन्तर्राष्ट्रिय क्रिकेटबाट संन्यास लिएका छन् ।
३८ वर्षीय स्पिनर आश्विनले सबै फर्म्याटका अन्तर्राष्ट्रिय क्रिकेटबाट संन्यासको घोषणा गरेका हुन् ।
सन् २०११ बाट उनले निरन्तर भारतीय टोलीबाट खेल्दै आएका थिए । उनले भारतबाट १०६ टेष्ट, ११६ एकदिवसिय र ६५ टी–२०आई खेल खेलेका छन् ।
उनले २८७ अन्तर्राष्ट्रिय खेलमा ७६५ विकेट लिएका छन् । उनी टेष्ट क्रिकेटमा सबैभन्दा धेरै प्लेयर अफ द सिरिज र सबैभन्दा छिटो ३५० विकेट पुरा गर्ने खेलाडी हुन् ।
यस्तै एउटै टेष्टमा शतक र ५ विकेट लिने रेकर्ड पनि उनकै नाममा छ ।
नेपाल प्रेस
प्रकाशित: २०८१ पुष ३ गते १२:००
प्रतिक्रिया
सम्बन्धित खवर
