यू–१९ सिरिजः नेपालले हङकङलाई दियो २९८ रनको विशाल लक्ष्य
नेपाल प्रेस
२०८१ पुष ३ गते १२:५२
काठमाडौं । काठमाडौंमा जारी एकदिवसीय यू–१९ सिरिजअन्तर्गत दोस्रो खेलमा नेपालले हङकङलाई २९८ रनको विशाल लक्ष्य प्रस्तुत गरेको छ ।
मूलपानी क्रिकेट मैदानमा टस जितेर पहिला ब्याटिङ गरेको नेपालले निर्धारित ५० ओभरमा ९ विकेट गुमाएर २९७ रन बनाएको हो ।
नेपालका लागि सोहिल कुँवरले सर्वाधिक ८१ रन जोडे । १०९ बल खेलेका ओपनर कुँवरले ९ चौका र एक छक्का प्रहार गरे । सन्तोष यादव ५४ बलमा ६६ रनमा अविजित रहे ।
कप्तान अभिषेख तिवारीले २६, अपराजित पौडेल ११, दिलसद अलि ४१ रनमा आउट भए ।
बलिङमा डेनियल म्यापले सर्वाधिक ३ विकेट लिए । सिरिजअन्तर्गत पहिलो खेलमा नेपालले हङकङलाई तीन विकेटले पराजित गरेको थियो।
नेपाल प्रेस
प्रकाशित: २०८१ पुष ३ गते १२:५२
प्रतिक्रिया
सम्बन्धित खवर
