मकवानपुरकी छिरिङ चर्चमा मृत भेटिइन्

हेटौँडा । मकवानपुरकी एक जना महिला चितवनको चर्चमा मृत भेटिएकी छिन् ।

चितवनको राप्ती नगरपालिका वडा नम्बर २ गड्यौलीमा रहेको गड्यौली चर्चमा बस्दै आएकी महिला मृत भेटिएको बागमती प्रदेश प्रहरी कार्यालय हेटौँडाले जनाएको छ ।

मृतक महिला मकवानपुर जिल्लाको कैलाश गाउँपालिका–१० की ४४ वर्षीया छिरिङ स्याङ्तान रहेको प्रहरीको भनाई छ ।

ओछ्यानमा बेहोस अवस्थामा छोराछोरीले देखेपछि उपचारका लागि भरतपुर अस्पताल लगिएकोमा डाक्टरले उनलाई मृत घोषणा गरेको प्रहरको भनाई छ ।

साँझ साढे ५ बजे बेहोस अवस्थामा देखेपछि आफन्तले उनलाई अस्पताल लगेकोमा उपचारको क्रममा स्याङ्तानको बुधवार साँझ ६ बजेर १५ मिनेटको समयमा मृत्यु भएको प्रहरीको भनाई छ ।