काठमाडाैंकाे धापासीस्थित शिव मन्दिर हाइटमा भीषण आगलागी
नेपाल प्रेस
२०८१ पुष ४ गते १८:३६
काठमाडौं । काठमाडौंको टोखा नगरपालिका वडा नं. ६ धापासीस्थित शिव मन्दिर हाइटमा आगलागी भएको छ ।
टोखा नगरपालिका ६, धापासीस्थित भाइकाजी श्रेष्ठको साढे तीन तलाको घरमा आगलागी भएको हो । उक्त घर पूर्णत जलेको छ । आगलागीले छरछिमेकसमेत प्रभावित भएको जिल्ला प्रहरी काठमाडौंका प्रवक्ता एसपी नवराज अधिकारीले बताए ।
बिहीबार साँझ साढे ५ बजे उक्त घरको माथिल्लो तलाबाट आगो लाग्न सुरु भएकोबारे प्रहरीले सूचना पाएकाे थियो ।
काठमाडौं, ललितपुर, भक्तपुर लगायतबाट दमकल पुगेर आगो नियन्त्रणमा लिने कार्य भइरहेको प्रहरीले जनाएको छ । उद्धारमा नेपाल प्रहरी र स्थानीय बासिन्दाको सहयोगमा आगो निभाउने कार्य भइरहेको प्रहरीको भनाइ छ ।
घटनाको थप विवरण आउन बाँकी रहेको छ ।
नेपाल प्रेस
प्रकाशित: २०८१ पुष ४ गते १८:३६
प्रतिक्रिया
सम्बन्धित खवर
