यू-१९ वुमन्स एसिया कपः नेपाल र बंगलादेशबीचको खेल वर्षाका कारण प्रभावित
खेल रद्द भएमा रनरेटका आधारमा बंगलादेश फाइनलमा पुग्नेछ
नेपाल प्रेस
२०८१ पुष ५ गते १२:१५
काठमाडौं । मलेसियामा जारी यु–१९ वुमन्स एसिया कपको ‘सुपर–४’ अन्तर्गत नेपाल र बंगलादेशबीचको खेल वर्षाका कारण प्रभावित भएको छ । मलेसियाको क्वालालम्पुरस्थित वायुमास ओभल क्रिकेट मैदान वर्षा भइरहेकाले टससमेत हुन सकेको छैन ।
नेपालका लागि यो खेल निकै नै महत्वपूर्ण छ । यो खेलमा जित निकालेमा नेपाल फाइलनमा प्रवेश गर्नेछ । पराजित भएमा वा रद्द भएमा बंगलादेश फाइलनमा पुग्नेछ ।
सुपर–४ मा नेपालसहित भारत, बंगलादेश र श्रीलंका छन् । भारत ५ अंकसहित पहिलो, बंगलादेश ४ अंकसहित दोस्रो, समान ४ अंकसहित नेपाल तेस्रो र ३ अंकसहित श्रीलंका चौथो स्थान छ । पहिलो र दोस्रो स्थानमा रहने टोलीले फाइलन खेल्नेछन् ।
सबै टोलीले एकएक खेल खेल्न बाकी छ । नेपालले बंगलादेश र भारतले श्रीलंकासँग खेल्नेछ ।
नेपाल प्रेस
प्रकाशित: २०८१ पुष ५ गते १२:१५
प्रतिक्रिया
सम्बन्धित खवर
