भारतमा आदिल अन्सरीको आक्रामक ब्याटिङ, ३८ बलमा पूरा गरे शतक

काठमाडौं । भारतको विहारमा जारी पाचौं संस्करणको अमन सिंह राजपुत (एएसआर) कप क्रिकेटमा नेपाली क्रिकेटर आदिल अन्सरीले शानदार ब्याटिङ गरेका छन् । बाली–११ सुपौलबाट खेलिरहेका आदिलले शुक्रबार भएको खेलमा ४० बलमा ११४ रनको अविजित इनिङ खेले ।

उनले हेलो फेन्ड्स मुंगेरविरुद्ध ३८ बलमा शतक पूरा गरेका हुन् । उनले उक्त खेलमा ७ चौका र ११ छक्का प्रहार गरे । उक्त खेलमा आदिल सम्मेलित टोलीले ८ विकेटले पराजित गरेको हो ।

नेपाल टी–२० लिग क्रिकेटमा म्याच फिक्सिङमा जोडिएका आदिल त्यसयता नेपाली क्रिकेटबाट टाढा छन् । उनले जिल्ला अदालत काठमाडौंबाट म्याच फिक्सिङमा सफाइ पाइसकेका छन् ।