बुटवलमा यसरी नचाइन् समीक्षा अधिकारीले

रुपन्देही । केही दिनअघि कपिलवस्तुमा अपमान भोगेकी कलाकार समीक्षा अधिकारीले शुक्रबार बुटवलमा ठूलो सम्मान पाइन् । बुटवल उद्योग वाणिज्य संघले आयोजना गरेको व्यापार मेलाका लागि शुक्रबार नै काठमाण्डौंबाट भैरहवा हुँदै आएकी उनी आफ्नो प्रस्तुती सकेर शुक्रबार नै काठमाण्डौ फर्केकी छन् । आयोजकले शनिबारको सेडुअलमा उनलाई राख्न खोजेपनि उनी विदेशमा जानुपर्ने बताएकाले शुक्रबार नै बोलाएर प्रस्तुती राखेकी हुन् ।

पुस ३ गतेबाट शुरु भएको मेलामा पहिलो चरणमा नै उनले प्रवेश पाएकाले उनका समर्थक शुक्रबार मेलामा पुगेका थिए । प्रायः शुक्रबार धेरै दर्शक नजाने भएपनि उनी आउने सूचना पाएपछि धेरै समर्थकहरु शुक्रबार मेला पुगेका थिए ।

समीक्षाले ‘धनगढीको बसमा, आउँदा मलाई ल्याईदिनु चट्ट कालो चस्मा‘, ‘कस्तो जोडी जुराईदियौ धन्य प्रभु धन्य‘’ लगायतका गीत गाएकी थिएन् । समीक्षाले यी गीत गाइरहँदा दर्शक दीर्घाबाट पाएको साथले उनी थप हौसिएकी थिइन् ।

औद्योगिक व्यापार मेला बुटवल २०८१ मा सांस्कृतिक संयोजक रहेका निर्मित कसजूले गायिक समीक्षाले शुक्रबार गाएका धेरै गीतले दर्शकलाई भरपुर मनोरञ्जन प्रदान गरेको र राम्रो सम्मान पाएको बताए । उनका अनुसार शनिबार समीक्षा देश बाहिर जाने भएकाले शुक्रबार नै काठमाण्डौं फर्केकी हुन् । केही दिनअघि कपिलवस्तुको जितपुरमा आयोजित मेलामा गायिका समीक्षा अधिकारीको अपमान भएपछि यहाँका आयोजक र प्रहरी पहिलेबाटै सर्तकता अपनाएका थिए ।

उनका अनुसार मेलामा समीक्षा आउने भएपछि दर्शकको पनि भीड बढेको थियो । समीक्षाले गीत गाइरहँदा दर्शक उनको गीतसंगै नाचेर, गाएर, हुटिङ गरेर साथ दिएका थिए ।

मेलामा शुक्रबार समीक्षासहित लालमाया थापा, सम्झना रणपाल, श्रीकृष्ण अर्याल, भुवन अधिकारी मिसन मगरलगायतका कलाकारले प्रस्तुती राखेका थिए । पुसको १८ गतेसम्म चल्ने मेलामा भोलि शनिबार लोक तथा दोहोरी गायक पशुपति शर्मा, प्रचण्ड जिसी, चेतना थापा, रितु थापा, डान्सर परि क्षेत्री संगै स्थानीय अरोक्ष ब्राण्डको प्रस्तुती रहने सांस्कृतिक कार्यक्रम संयोजक कसजुले जानकारी दिए ।