एकीकृत समाजवादीले ७७ जिल्लामा तोक्यो इन्चार्ज र सहइन्चार्ज, को कहाँ ? (सूचीसहित)

काठमाडौं । नेकपा एकीकृत समाजवादीले ७७ वटै जिल्लामा बनायो इन्चार्ज र सहइन्चार्ज तोकेको छ।

मंसिर २६ देखि पुष २ सम्म बसेको स्थायी कमिटी बैठकले सबै जिल्लामा इन्चार्ज, सहइन्चार्जदेखि संघीय निर्वाचन क्षेत्र इञ्चार्ज तथा सहइञ्चार्जसम्म तोकेको हो।

सबै केन्द्रीय कमिटी सदस्यहरूको कार्यविभाजन गरेअनुसार नै कार्यान्वयन गर्न÷गराउन पनि निर्देशन दिएको छ। प्रदेशको जिम्मेवारीमा रहने सबै पोलिटब्युरो सदस्यहरूलाई सम्बन्धित प्रदेशका सहइञ्चार्ज राखिएको छ । प्रदेश इञ्चार्जको संयोजनमा समग्र प्रदेशको योजना बनाउन र कार्यान्वयन गर्न नेतृत्व गर्न निर्देशन दिइएको छ।

प्रदेशस्तरमा किसान, मजुदुर, महिला, युवा, विद्यार्थी, पेशागत बुद्धिजीवी र उद्योग व्यावशायी फाँटको कामलाई व्यवस्थित गर्न केन्द्रीय कमिटीका सदस्यहरूलाई जिम्मेवारी दिइएको छ ।

यस्तै, प्रदेश इञ्चार्जको संयोजनमा प्रदेशअन्तरगत जिम्मेवारीमा रहेका पोलिटब्युरो सदस्यहरूको परामर्शबाट उपरोक्त फाँटहरूको इञ्चार्जको जिम्मेवारी विभाजन गरिएको छ।

प्रदेशका कतिपय फाँटहरूमा केन्द्रीय कमिटीका सदस्यहरूलाई जिम्मेवारी तोकिएको छ भने केन्द्रीय कमिटी सदस्यहरूलाई तोकिएको निर्वाचन क्षेत्रको जिम्मेवारी हेरफेर गर्नुपर्ने भएमा इञ्चार्जले सम्बन्धित तहमा छलफल गरी निर्णय गर्न सक्र्नसक्ने अधिकार दिएको छ।

एउटा मात्र संघीय निर्वाचन क्षेत्र भएका जिल्लामा एकभन्दा बढि सहइञ्चार्ज भएमा जिल्ला इञ्चार्जको संयोजनमा प्रदेश निर्वाचन क्षेत्रमा जिम्मेवारी तोकेर काम गर्न सक्ने जनाइएको छ। बैठकका निर्णयहरूमा आधारित अन्तरपार्टी निर्देशन यथाशिघ्र अध्यक्ष माधव नेपालले जारी गर्ने पनि जनाइएको छ।