जनकपुर बोल्ट्सलाई जीतको कामनासहित राजदेवी माताको विशेष पूजापाठ (भिडिओ)

जनकपुरधाम । नेपाल प्रिमियर लिग (एनपीएल)को फाइनल खेलमा जनकपुर बोल्ट्स विजयी होस् भनेर जनकपुरधामस्थित राजदेवी माताको विशेष पूजापाठ गरिएको छ ।

आज फाइनल खेल जनकपुर बोल्ट्स र सुदुरपश्चिम रोयल्सबीच हुँदैछ । मधेशको प्रतिनिधित्व गरेको जनकपुर बोल्ट्सलाई जीतको कामना गर्दै महावीर यूवा कमिटीको आयोजनामा राजदेवी माताको विशेष पूजापाठ गरिएको हो ।

राजदेवी मन्दिरमा विहान साढे ९ बजेदेखि करिब दुई घण्टा विशेष पूजापाठ गरिएको कमिटीका कार्यकारिणी सदस्य दिपक गुप्ताले जानकारी दिए । उनले जनकपुर बोल्ट्स विजयी प्राप्त गर्ने विश्वास व्यक्त गरे ।