एनपीएलः
जनकपुर र सुदूरपश्चिमबीचको उपाधि भिडन्त सुरु
नेपाल प्रेस
२०८१ पुष ६ गते १२:३४
काठमाडौं । नेपाल प्रिमियर लिग (एनपीएल) को फाइनल खेलमा जनकपुर बोल्ट्सविरुद्ध सुदूरपश्चिम रोयल्सले पहिला ब्याटिङमा उत्रिएको छ ।
टीयु क्रिकेट मैदानमा जनकपुरविरुद्ध सुदूरपश्चिमले टस जित्दै पहिला ब्याटिङमा उत्रिएको हो । सुदूरपश्चिमको ओपनिङ ब्याटिङमा विनोद भण्डारी र सैफ अलि जैव उत्रिएका छन् ।
जनकपुरका हर्ष थाकरले बलिङको सुरुआत गरेका छन् ।
सुदूरपश्चिमको कप्तानी दीपेन्द्रसिंह ऐरी र जनकपुरको कप्तानी आशिफ शेखले सम्हालेका छन् । यसअघिको दुई भेटमा सुदूरपश्चिमले जनकपुरलाई पराजित गरेको थियो ।
पहिलो संस्करणको विजेता टोलीले ट्रफीसहित १ करोड १० लाख रुपैयाँ पाउनेछ । उपविजेताले ५१ लाख प्राप्त गर्नेछ ।
नेपाल प्रेस
प्रकाशित: २०८१ पुष ६ गते १२:३४
प्रतिक्रिया
सम्बन्धित खवर
