महिला यू-१९ विश्वकपका लागि नेपाली टोलीको बन्द प्रशिक्षण चितवनको गौतम बुद्ध रंगशालामा हुने

काठमाडौं । यू-१९ महिला विश्वकप क्रिकेटका लागि नेपाली टोलीको बन्द प्रशिक्षण चितवनको गौतम बुद्ध अन्तर्राष्ट्रिय क्रिकेट रंगशालामा हुने भएको छ ।

भरतपुर महानगरपालिका- १५ मा रहेको निर्माणाधीन रंगशालाको नमुना खेल मैदानमा पुस १० देखि २४ गतेसम्म नेपाली टोलीको बन्द प्रशिक्षण हुन लागेको जिल्ला क्रिकेट संघ चितवनले जनाएको छ ।

संघका अध्यक्ष सुदीप पियाले बन्द प्रशिक्षणमा १८ खेलाडी सहभागी हुने जानकारी दिए । भरतपुर महानगरकी मेयर रेनु दाहालको पहलमा नेपाल क्रिकेट संघ (क्यान)ले चितवनमा बन्द प्रशिक्षण गर्न लागेको पियाले बताए ।

आईसीसी महिला यू-१९ टी-२० विश्वकप क्रिकेट प्रतियोगिता आउँदो जनवरी १८ देखि फेुबूरअरी २ सम्म मलेसियामा हुँदैछ ।