इपिएलमा नटिघंमको छलाङ

काठमाडौं । इंग्लिस प्रिमियर लिग (इपिएल) को जारी सिजनमा अण्डरडगको रूपमा देखा परेको नटिघंम फरेस्टले १७ औँ चरण आइपुग्दा चौथो स्थान पक्का गर्न सफल भएको छ ।

शनिवार राति भएको खेलमा ब्रेनफर्टलाई पराजित गर्दै नटिघंमले जारी सिजनमा आफूलाई अब्बल प्रमाणित गर्ने तथ्यमा थप एउटा इँटा थपेको हो । ब्रेनफर्टको घरेलु मैदानमा उसैलाई माथ दिने क्रममा नटिघंमले २-० को प्रभावशाली जित निकालेको हो ।

फरेस्टको लागि खेलको ३८ औँ मिनेटमा ओला ऐना र एन्थिन्यो एल्नागाले ५१ औँ मिनेटमा गोल गर्दै टिमलाई जिताए । जारी सिजनमा फरेस्टको यो नवौँ जित हो ।

१७ औँ चरण आइपुग्दा नटिघंमले यो पटक चार हारको मात्र सामना गर्नुपरेको छ भने चार बराबरी खेलेको छ । जितको मामिलामा यो पटक उसले इपिएलको महारथी म्यानचेस्टर सिटीलाई समेत पछि पार्दिएको छ ।

जितसँगै १७ खेलबाट ३१ अङ्क जोडेको फरेस्ट तालिकाको चौथो स्थानमा पुगेको छ । पराजित ब्रेनफर्ट भने समान खेलबाट २३ अङ्क सहित १२ औँ स्थानमा छ ।

शनिवार राति नै भएको अर्को खेलमा न्युक्यास्टलले इस्विच टाउनलाई ४(० ले पराजित गरेको छ भने वेस्टह्याम्प र ब्राइटनले १(१ को बराबरी खेलेका छन् ।