बार्सिलोनालाई झड्का, एथ्लेटिको पहिलो स्थानमा

हेटौंडा । स्पेनिस ला लिगाको गएराति भएको खेलमा बार्सिलोना पराजित भएको छ ।

दोस्रो हाफको इन्जुरी समयमा गोल खाएपछि बार्सिलोना एथ्लेटिको म्याड्रिड सङ्ग २-१ ले पराजित भएको हो ।

खेलमा सुरुवाती अग्रता भने बार्सिलोनाले ३० औँ मिनेटमा पेड्रीको गोल मार्फत लिएको थियो । तर एथ्लेटिकोले ६० पाउलको गोल मार्फत खेललाई बराबरी गरेको थियो । तर खेल सकिनै लाग्दा अर्थात् दोस्रो हाफको इन्जुरी समयको पनि अन्तिमतिर एथ्लेटिकोले एलेक्जेन्डर सोरोथले गोल गरेपछि म्याड्रिड विजयी बन्यो ।

जितपछि म्याड्रिड लिग तालिकाको पहिलो स्थान उक्लिएको छ । १८ खेलबाट ४१ अङ्क जोडेको एथ्लेटिको पहिलो स्थानमा रहँदा एक खेल बढी खेलेको बार्सिलोना ३८ अङ्क सहित दोस्रो स्थानमा छ ।