रवि र छविसहित ३२ जनाविरुद्ध मुद्दा दर्ता हुँदै, रास्वपाका नेता र सांसदहरू पोखरामा
नेपाल प्रेस
२०८१ पुष ७ गते ११:२८
पोखरा । पूर्व गृहमन्त्री तथा रास्वपा सभापति रवि लामिछानेलाई कास्की जिल्ला अदालतमा उपस्थित गराइएको छ ।
सहकारी बचत अपचलनलगायत संगठित अपराधको मुद्दामा अनुसन्धान सकेर प्रहरीले आजै कास्की अदालतमा मुद्दा दर्ता गर्दैछ ।
रविसहित पूर्व डिआइजी तथा ग्यालेक्सी टिभीका साझेदार छविलाल जोशी, लीला पछाई, रामबहादुर खनाल, कृष्णबहादुर गुरुङसहित ३२ जनाविरुद्ध मुद्दा दर्ता हुँदैछ । यसअघि जीवी राईसहितविरुद्ध मुद्दा दर्ता भइसकेको छ ।
रविविरुद्ध मुद्दा दर्ता गर्न लागिएकै बेला रास्वपाका नेता तथा सांसदहरू पोखरा पुगेका छन् ।
कार्यवाहक महामन्त्री कविन्द्र बुर्लाकोटीसहित सांसदहरू शिशिर खनाल,हरि ढकाललगायत पोखरा पुगिसकेका छन् ।
विराजभक्त श्रेष्ठ, मनिष झालगायतका सांसद पोखरा पुग्ने क्रममा रहेको बताइएको छ ।
नेपाल प्रेस
प्रकाशित: २०८१ पुष ७ गते ११:२८
प्रतिक्रिया
सम्बन्धित खवर
