सोनु निगमको कार्यक्रमका लागि अत्यधिक टिकट काटिएपछि इसेवा डाउन
नेपाल प्रेस
२०८१ पुष ८ गते २०:३१
काठमाडौं । नेपालका अनलाइन पेमेन्ट गेटवे डिजिटल वालेट इसेवा डाउन भएको छ ।
क्रिसमसका अवसरमा भारतीय गायक सोनु निगम नेपाल आउने भएपछि इसेवामार्फत टिकट काट्ने व्यवस्था मिलाइएको थियो ।
निगमले २५ डिसेम्बरमा ह्यात ग्राउण्डमा लाइभ प्रस्तुति दिने कार्यक्रम छ । जसका लागि भारी संख्यामा दर्शकहरुले टिकट काटेपछि इसेवा डाउन भएको हो ।
हाल अनलाइन भुक्तानीमा समस्या आएकाे छ ।
यसबारेमा इसेवाले सूचना जारी गर्दै अस्थायी समयका लागि सेवाहरु अवरुद्ध भएको र आफ्नो प्राविधिक टोलीले समाधानका लागि प्रयास गरिरहेको जानकारी दिएको छ । त्यस्तै केही समय धैर्य रहन पनि कम्पनीले आग्रह गरेकाे छ ।
नेपाल प्रेस
प्रकाशित: २०८१ पुष ८ गते २०:३१
प्रतिक्रिया
सम्बन्धित खवर
