क्रिसमसको अवसरमा मकवानपुरको राक्सिराङमा दुई दिन सार्वजनिक बिदा

हेटौँडा । मकवानपुरको राक्सिराङ गाउँपालिकाले इसाई धर्मावलम्बीहरूले मनाउने क्रिसमसको उपलक्ष्यमा गाउँपालिकाले दुई दिन सार्वजनिक बिदा दिएको छ ।

पश्चिम मकवानपुरमा रहेको गाउँपालिकाले क्रिसमसको अवसरमा मंगलबार(भोल) र बुधबार (पर्सि) विदा दिएको हो ।

गाउँपालिका क्षेत्रमा इसाई धर्मावलम्बीहरुको उल्लेख्य वासिन्दा भएको भन्दै गाउँपालिकाले दुई दिन बिदा दिएको हो ।

गाउँपालिकाभित्रका सम्पूर्ण सार्वजनिक कार्यालय, सरकारी कार्यालय, शिक्षण संस्थाहरू बन्द रहने अध्यक्ष राजकुमार मल्लले विज्ञप्तिमार्फत जानकारी दिएका छन् ।

राक्सिराङले यस अघि पनि क्रिसमसमा तीनदिनसम्म बिदा दिने गरेको थियो ।