सिटीको निराशाजनक यात्रा कायमै

हेटौंडा । इंग्लिस प्रिमियर लिग (इपिएल)को डिफेन्डिङ च्याम्पियन म्यान्चेस्टर सिटीले जारी सिजनमा आफ्नो निराशाजनक प्रदर्शनलाई कायम राखेको छ ।

प्रिमियर लिगको रेलिगेसन क्षेत्रबाट केही स्थान मात्र माथि रहेको एभर्टनसङ्ग १–१ को बराबरी खेलेसङ्गै सिटीले यो पटक च्याम्पियन्स लिगमा छनोट हुने आधार पनि गुमाउँदै गएको हो ।

बक्सिङ डे मा भएको खेलमा एभर्टनसङ्ग बराबरी भएसङ्गै सिटीलाई थप संकट देखा परेको छ । खेलको १४ औं मिनेटमा सिटीका सिल्भाले गोल गरेपनि एभर्टनका इमानले खेलको ३६ औं मिनेटमा बरबरी गरेपछि सिटी अङ्क बाढ्न बाध्य भएको हो ।

बराबरीपछि सिटी १८ खेलबाट २८ अङ्क सहित तालिकाको छैटौं स्थानमा छ भने एभर्टन १७ खेलबाट १७ अङ्क सहित १५ औं स्थानमा छ ।