एभरेष्ट बैंकको दुई नयाँ शाखा सञ्चालन 

काठमाडौं । एभरेष्ट बैंक लिमिटेडले थप दुई नयाँ शाखा सञ्चालनमा ल्याएको छ । कोशी प्रदेशको पूर्वी पहाडी जिल्लामा रहेका ग्राहकहरूलाई अत्याधुनिक दिगो, दरिलो र विश्वासिलो बैंकिङ्ग सेवा र सुविधाहरू उपलब्ध गराउने उद्देश्यले बैंकले नयाँ शाखा सञ्चालनमा ल्याएको हो ।

पाँचथरको फिदिम नगरपालिका वडा नं. १ र ताप्लेजुङको फुङलिङ नगरपालिका वडा नं. ४ मा नयाँ शाखा विस्तार गरेको बैंकले जानकारी दिएको छ । यी दुई शाखाको सञ्चालन पश्चात् कोशी प्रदेशमा बैंकको शाखा सङ्ख्या २० पुगेको छ ।

बैंकमा हालसम्म करिब १४ लाख भन्दा बढी ग्राहकहरू रहेका छन् । देशैभर आफ्नो १३१ शाखा सञ्जाल, ४ एक्सटेन्सन काउन्टर, ७ प्रादेशिक कार्यालयहरू, १६७ एटिएमसहित विश्वव्यापी नेटवर्कबाट अत्याधुनिक मोबाइल, इन्टरनेट र एसएमएस बैंकिङ सुविधा प्रदान गर्दै आइरहेको छ ।