बीआरआईको विषयमा कुरा गर्दा भारतसँग छलफल गर्नुपर्दैन : योगेश भट्टराई (भिडिओ)

काठमाडौं । नेकपा एमालेका सचिव योगेश भट्टराईले पोखरा अन्तर्राष्ट्रिय विमानस्थल बीआरआई परियोजना अन्तर्गत नभएको दाबी गरेका छन् ।

काठमाडौंमा आयोजित एक अन्तरक्रिया कार्यक्रममा बोल्दै पोखरा अन्तर्राष्ट्रिय विमानस्थल बिआरआई परियोजना अन्तर्गतको परियोजना भनेर व्याख्या गर्नु गलत भएको बताए ।

उनले भने, ‘पोखरा अन्तर्राष्ट्रिय विमानस्थल बीआरआई परियोजना होइन। प्रधानमन्त्रीको चीन भ्रमणमा भएको बिआरआई फ्रेमवर्कमा हस्ताक्षर हुँदा कुन कुन आयोजना गरेका छन् । सबैलाई थाहा भएको छ ।’

सम्झौता हुँदा उल्लेख भएका १० आयोजनाहरू बिआरआई परियोजनामा रेल्व, सडक, शिक्षा र ट्रान्समिसन लाइन लगायत रहेको बताए ।

उनले थपे, ‘१० वटै आयोजनाहरू अनुदानमा हुनुपर्छ भन्ने नेपालको चाहना हो। यसमा स्पष्ट छ । यो परियोजनामा पोखरा अन्तर्राष्ट्रिय विमानस्थल छैन । दुई वटा अन्तर्राष्ट्रिय विमानस्थल पूर्ण रूपमा चलाउनको लागि प्रोत्साहन गर्नुपर्छ । सरकारले केही सहुलियत दिने घोषणा गरेको छ । राजश्वमा समेत छुट दिएको छ ।’

उनले आफूहरु एमसिसी र बीआरआईको पक्षधर भएको बताए । उनले थपे, ‘हामी एमसीसकिो कुरा गर्दा चीनलाई बीचमा ल्याउँदैनौं । बीआरआईको विषयमा कुरा गर्दा भारतसँग छलफल गर्नुपर्दैन । भारतीय एक्जिम बैंकको पैसा कहाँ लगानी गर्ने भनेर चीनसँग सल्लाह गर्न जाँदैनौं । यो अहिलेको सरकारको स्ट्याण्डिङ नीति हो ।’