लाजिओसँगको बराबरीले एटलान्टालाई घाटा
नेपाल प्रेस
२०८१ पुष १४ गते १०:११
हेटौँडा । इटालियन सिरी ‘ए’ फुटबलमा लिग लिडर एटलान्टालाई लाजिओसँगको बराबरीले घाटा लागेको छ ।
आइतबार बिहानको खेलमा पहिलो स्थानको एटलान्टाले चौथो स्थानको लाजिओसँग १-१ को बराबरी खेलेपछि त्यसको फाइदा दोस्रो स्थानको इन्टर मिलानलाई हुने भएको हो ।
१८ खेल खेलेको एटलान्टाले ४१ अङ्क बनाएर पहिलो स्थानमा रहेको छ । तर उ भन्दा एक खेल कम खेलेको मिलानको ४० अङ्क छ । अब अर्को खेलमा मिलानले विपक्षीलाई पराजित गर्न सके समान खेलमा मिलान एटलान्टा भन्दा स्पष्ट २ अङ्कले अगाडि हुनेछ ।
युरोपको अन्य देशका लिग भन्दा इटालीको लिग यो पटक निकै रोचक बन्दै गएको छ । १८ औँ चरणसम्म आइपुग्दा कसले लिग जित्छ भन्ने अनुमान गर्न समेत गाह्रो अवस्था देखिएको छ ।
नेपाल प्रेस
प्रकाशित: २०८१ पुष १४ गते १०:११
प्रतिक्रिया
सम्बन्धित खवर
