माओवादीका उपलब्ध पदाधिकारीलाई खुमलटार बोलाइयो

काठमाडौं । नेकपा (माओवादी केन्द्र) ले उपलब्ध पदाधिकारी बैठक बोलाएको छ । स्थायी समिति, केन्द्रीय समिति बैठकको तयारीका लागि अनौपचारिक बैठक बोलाइएको पार्टीका कोषाध्यक्ष समेत रहेका केन्द्रीय कार्यालयका मुख्य सचिव श्रीराम ढकालले नेपाल प्रेसलाई जानकारी दिए ।

उनका अनुसार बैठक दिउँसो ३ बजे अध्यक्ष प्रचण्ड निवास खुमलटारमा बोलाइएको हो ।

उपाध्यक्ष पम्फा भुसालले पदाधिकारी बैठक बोलाएको आफूलाई जानकारी भए पनि के विषयमा केन्द्रित भन्ने बारेमा थाहा पाइ नसकेको बताइन् ।

यसअघि मंसिर २८ मा बसेको स्थायी समिति बैठकले पुस १८ देखि २० गतेसम्म स्थायी समिति र २१ गतेदेखि केन्द्रीय समिति बैठक बोलाउने निर्णय गरिसकेको मुख्यसचिव ढकालले बताए ।