ओलीको ‘बिग फ्यान हुँ’ भन्दै एमाले प्रवेश गरिन् मिसेस हेरिटेज इन्टरनेशनल विभा बस्नेत (भिडिओ)
नेपाल प्रेस
२०८१ पुष १४ गते १७:२७
काठमाडौं । गत महिनामात्र सन् २०२४ को मिसेस हेरिटेज इन्टरनेशलको उपाधि जितेर नेपालको कीर्तिमान कायम गरेकी विभा बस्नेत राजनीतिमा प्रवेश गरेकी छन् । आइतबार ललितपुरस्थित तुलसीलाल स्मृति भवनमा आयोजित कार्यक्रममार्फत उनी नेकपा एमालेमा प्रवेश गरेकी हुन् ।
बस्नेतलाई एमाले अध्यक्ष केपी शर्मा ओलीले पार्टीको लोगो लगाइदिएर एमालेमा स्वागत गरेका हुन् । थाइल्याण्डमा सम्पन्न मिसेस हेरिटेज इन्टरनेशनलको प्रतियोगितामा नेपालको तर्फबाट भाग लिएकी बस्नेत संसारभरका प्रतिस्पर्धीलाई उछिनेर उपाधि जित्न सफल भएकी थिइन् ।
पार्टी प्रवेश गर्दै उनले आफू अध्यक्ष तथा प्रधानमन्त्री केपी शर्मा ओलीको ‘बिग फ्यान’ भएकाले राजनीतिमार्फत सामाजिक काम गर्न एमाले प्रवेश गरेको बताइन् । यो सातौं संस्करणको उपाधी जित्ने उनी पहिलो नेपाली हुन् ।
प्रतियोगितामा भारत, थाइल्याण्ड, बेलायत, भियतनाम, फिलिपिन्स, पेरु, सिंगापुर, न्युजिल्याण्ड, मेक्सिको, लाट्भिया, मलेसिया, सर्बियालगायत देशका सहभागी थिए ।
नेपाल प्रेस
प्रकाशित: २०८१ पुष १४ गते १७:२७
प्रतिक्रिया
One thought on “ओलीको ‘बिग फ्यान हुँ’ भन्दै एमाले प्रवेश गरिन् मिसेस हेरिटेज इन्टरनेशनल विभा बस्नेत (भिडिओ)”
Leave a Reply
सम्बन्धित खवर
मानिस जस्तै सुन्दर विचार । अब सुन्दर काम गरेर देश बनाउन लाग्नुहोस् । केही पाउन होईन दिन लाग्नुहोस् । भन्ने बितिक्कै नपाउँदा बटारिईहाल्ने प्रवृत्ति विरूद्व नमूना बन्नुहोस् । तपाईको योगदान कदर गर्ने एकमात्र पार्टी नै एमाले हो । यो मात्र देश बनाउने पार्टी हो ।