बाघको आक्रमणबाट मकवानपुरमा एक जनाको मृत्यु
नेपाल प्रेस
२०८१ पुष १५ गते ८:१०
हेटौँडा । मकवानपुरमा बाघको आक्रमणबाट एक जना वृद्धाको मृत्यु भएको छ ।
मनहरि गाउँपालिका ५ वसन्तपुरमा आइतबार साँझ बाघले एक वृद्धालाई मारेको हो । घाँस काट्न बारीको छेउमा गएकी ७२ वर्षीया कान्छीमाया रुम्बा बाघको आक्रमणबाट मृत्यु भएको हो ।
घाँस काट्न गएको लामो समयसम्म पनि नफर्केपछि खोज्ने क्रममा गएका युवाहरूले कान्छीमाया भागेकोजस्तो देखेपछि पछ्याउने क्रममा शव भेटिएको हो ।
‘बाघले कान्छीमायालाई बोकेर हिँडेको हुनुपर्छ’, ५ नं वडाध्यक्ष दीपेन्द्र अधिकारीले भने, ‘भिडभाड देखेपछि बाघले लास छाडेर भागेको अनुमान गरिएको छ ।’
शवको टाउको तथा तिघ्राका भागको मासु बाघले लुछेको अवस्थामा भेटिएको छ ।
नेपाल प्रेस
प्रकाशित: २०८१ पुष १५ गते ८:१०
प्रतिक्रिया
सम्बन्धित खवर
