लयमा फर्कियो सिटी, लेस्टरविरुद्ध जित

हेटौंडा । इंग्लिस प्रिमियर लिग (इपीएल)को पछिल्लो ९ खेलमा जितविहीन बनेको डिफेन्डिङ च्याम्पियन म्यानचेस्टर सिटीले लयमा फर्किएको संकेत गरेको छ ।

इपिएल, लिग कप र च्याम्पियन्स लिग गरी पछिल्लो १४ खेलमा जितविहीन बनेको सिटीले प्रिमियर लिगको १९ औँ चरणमा आइपुग्दा लेस्टर सिटी विरुद्ध २-० को जित निकाल्दै आफूलाई राहतको महसुस गरेको छ ।

लेस्टरको घरेलु मैदानमा जित निकाल्दै सिटिले सन् २०२४ को सुखद बिदाइ समेत गरेको छ ।

लेस्टरलाई हराउने क्रममा साभिओले २१ र हाल्याण्डले ७४ औँ मिनेटमा गोल गरे । जितपछि सिटी १९ खेलबाट ३१ अङ्क सहित तालिकाको पाँचौँ स्थानमा उक्लिएको छ । पराजित लेस्टर भने समान खेलबाट १४ अङ्क सहित १८ औँ स्थानमा छ ।