प्रिमियर लिग २०२४ : लिभरपुलको रवाफदेखि सिटीको निराशा, नटिंघमको छलाङ

हेटौंडा । सन् २०२४ मा क्लब फुटबलका केही राेचक प्रसंगहरु तथा खेलका अवस्थाहरुकाे बेग्लै राैनकता देखियाे । जसमा इंग्लिश प्रिमियर लिग (इपीएल) अघिल्ला वर्षहरुमा भन्दा रोचक र घोचक रह्यो ।

विश्वमा सबैभन्दा धेरै हेरिने लिग मध्य पहिलो स्थानमा आउने इपीएल यो वर्ष थप रोचक बन्यो । लिगमा यो पटक नाम कहलिएका ठूला क्लबभन्दा ‘अण्डर डग’को रुपमा कम चर्चामा रहेका क्लबहरुको सनसनीपूर्ण प्रर्दशन देखा पर्यो ।

इपिएल यस्तो लिग हो जहाँ जस्ले पनि जस्लाई हराउन सक्छ भन्ने भाष्य यो पटक पनि प्रमाणित भयो । यो वर्ष स्वभाविक मानिएको प्रतिस्पर्धामा अस्वभाविक नतिजा आएपछि सन् २०२४ को युरोपमा खेलिने लिगहरुमा प्रिमियर लिगको चर्चा विश्व फुटबलमा धेरै भयो ।

सन् २०२४–२०२५ को नयाँ सिजन सुरुभपछि पहिलो नवौँ चरणसम्म ठुला र लिग जित्ने अपेक्षा गरिएका क्लबहरुको प्रर्दशन उत्साहजनक भए । तर दशौँ चरणबाट त्यो प्रर्दशन कायम रहेन । सन् २०२४ लाई बिदा गर्ने दिन डिसेम्बर ३१ सम्म आइपुग्दा प्रिमियर लिगको तालिकामा आश्चार्यजनक परिवर्तन देखियो ।

डिफेन्डीङ च्याम्पियन म्यान्चेस्टर सिटीले छैटाैं नम्बरमा रहेर सन् २०२४ लाई बिदा गर्दा अधिकांश फुटबल विश्लेषकले विश्वास नगरेको नटिंघम फरेस्टले दोश्रो स्थान कायम गर्दै साललाई विदा गर्न सफल भयो ।

आश्चार्यजनक कुरा त के रह्यो भने लगातार पछिल्लो चार पटक इपीएलमा विजयी भएको सिटीले यो साल विदाई गर्दा च्याम्पियन्स लिग मात्र हैन युरोपा लिग खेल्ने स्थान पनि गुमाउन पर्यो ।

अघिल्ला दुईवटा सिजनमा लिग च्याम्पियनको नजिक पुगेको लिभरपुले यो पटक साच्चै लिग च्याम्पियन हुनेगरि खेलिरहेको छ । १८ वटा खेल खेलेको उस्ले एक खेलमामात्र पराजय बेहोरेको छ भने तीनवटा खेल ड्र खेलेको छ ।

सालको अन्तिम खेलमा वेस्टह्याम्पलाई ५–० ले पराजित गरेको लिभरपुलले साल २०२५ मा आफू थप आक्रमक रुपमा आउने संकेत देखाएको छ । लिभरपुलको लागि यो सिजन उस्को स्टार खेलाडी मोहमद सलाह निकै लयमा देखिएक छन् । लिगमा १७ गोल गरिसकेका उनि पहिलो नम्बरमा छन भने एसिस्टमा पनि उनी पहिलो स्थानमानै छन् । उनले हालसम्म १३ एसिस्ट गरेका छन् ।

यस्तो छ रोचक तालिकाको कथा

सन् २०२४ लाई विदा गर्दा अहिले इपिएलमा १८ खेलबाट लिभरपुल ४५ अंक सहित पहिलो स्थानमा विराजमान छ । दोश्रो नंबरमा रहेको फरेस्टको १९ खेलबाट ३५ अंक छ । १८ खेलनै खेलेको गत वर्षको उपविजेता आर्सनल ३६ अंक सहित तेश्रो स्थानमा छ ।

आर्सनललाई सन् २०२४ को पहिलो दिननै दोश्रो स्थानमा पुग्ने मौका पनि छ । २०२४ को पहिलो दिन हुने खेलमा बेनर्फोटलाई हराउन सके आर्सनल दोश्रो स्थानमा पुग्नेछ । चौथो स्थामा ३५ अंकसहित चेल्सी आईपुगेको छ । लिगको सुरुवातमा केही खेल गुमाएको चेल्सीले पछिल्लो समय आफ्नो खेललाई व्यापक सुधार गर्दै आएको छ ।

यी चार टिमले यथास्थितीको प्रर्दशनलाई जारी राखे आगमी सिजनको च्याम्पियन्स लिग खेल्ने टोली हुनेछन् । तर ३८ खेल हुने इपीएलमा एउटै प्रकृतिका खेलहरु हुने संभावना भने निकै न्युन हुने गर्दछ । यो पटक निकै सुधारिएको प्रर्दशन गरेको न्युक्यास्टल युनाईटेट साल २०२४ लाई विदा गर्दा पाँचौ स्थानमा छ । गत सिजनमा झण्डैझण्डै रेलिगेसनमा परेको न्युक्यास्टलले यो पटक आफुलाई पूर्ण रुपमा फिट राखेको छ ।

प्रिमियर लिगमा सधै आशा गरिएका क्लबहरु म्यान्चेस्टर युनाइटेड र टोटनह्याम्पले भने यो सिजन निराशाजनक प्रर्दशन गरेका छन् । उनीहरुले साललाई बिदा गर्दा आफ्ना फ्यानहरुलाई समेत निराश पारेका छन् ।

ठूला फ्यान फलोइङ भएको युनाईटेड १४ औं स्थानमा छ भने टोटनह्याम्पले पनि टप टेनमा स्थान बनाउन सकेन । उ ११ औँ स्थानमा छ । यो वर्ष टप टेनमा सिटी सहित वर्नमाउन, फुलहम, एस्टनभिल्ला र ब्राईटनले स्थान बनाएका छन् ।

यो सिजन लिग सुरु भएएता पटक-पटक रेलिगेसनमा पर्दै आएका एभर्टन, उल्फ् र वेस्ट ह्याम्पले पछिल्लो केही खेल जितेर यो वर्ष विदाई गर्दा कम्तिमा आफूलाई त्यो स्थानबाट माथि लान सफल भए । अहिले वेस्टह्याम्प १३ औँ स्थानमा पुग्दा एर्भटन १६ औँ र उल्भस् १७ औँ स्थानमा छन् ।

सालको अन्तिम खेलमा चेस्सीजस्तो शक्तिशाली क्लबलाई पराजित गरेपनि यो वर्षमात्र प्रिमियर लिगमा बढुवा भएको इस्विच टाउन रेलिगेसन जोनमा नै छ । यो वर्ष खराब प्रर्दशन गरेको पूर्व विजेता लेस्टर सिटि पनि रेलिगेशन जोनमा बिराजमान छ ।

यस वर्ष सबैभन्दा खराब प्रर्दशन गरेको साउथ ह्याम्पटन तालिकाको अन्तिम स्थानमा छ । उस्ले १९ खेलमा एक खेलमा मात्र जित निकालेको छ । सबै टिमले दोहोरो अंक छुँदा वेष्टह्याम्प ६ अंक सहित अंकतालिकाको पुच्छरमा छ ।