चीनसँग एआई गठबन्धन गर्न पुटिनको आग्रह
नेपाल प्रेस
२०८१ पुष १८ गते ११:२२
काठमाडौं । रुस र चीनको आर्टिफिसियल इन्टेलिजेन्स (एआई) गठबन्धन गर्न रुसी राष्ट्रपति भ्यादिमिर पुटिनले आग्रह गरेका छन् ।
रुसी विश्व च्यानल आरटीका अनुसार पुटिनले देशको सबैभन्दा ठूलो बैंक र प्रविधिका नवप्रवर्तकहरुलाई चीनसँग गठबन्धन गर्न आग्रह गरेका हुन् ।
चीनले विश्वको सबैभन्दा अत्याधुनिक एआई क्षेत्रको विकास गरेको भन्दै त्यसमा रुसले साझेदारी चाहेको छ ।
सन २०१७ मा एक कार्यक्रम नीति ल्याएर चीनले सन २०३० भित्र एआईको सुपर पावर बन्ने लक्ष्य लिएको थियो । त्यसै अनुसार अहिले चीनमा एआईका धेरै कामहरू हुँदै आएका छन् ।
सन २०१४ बाट सन २०२३ सम्ममा चीनले ३८ हजार जेनेरेटिभव एआईको पेटेन्ट दर्ता गराएको छ । त्यो भनेको विश्वको कुल पेटेन्टमा ७० प्रतिशत भएको आरटीले उल्लेख गरेको छ ।
नेपाल प्रेस
प्रकाशित: २०८१ पुष १८ गते ११:२२
प्रतिक्रिया
सम्बन्धित खवर
