तस्किन अहमदले बिपिएलएलको एकै खेलमा लिए ७ विकेट

पोखरा । बंगलादेश प्रिमियर लिग (बिपिएल) मा फाष्ट बलर तस्किन अहमदले एकै खेलमा ७ विकेट लिएका छन् । उनले बिहीबार भएको खेलमा ढाका क्यापिटल्सविरुद्ध ७ विकेट लिएका हुन् ।

दरबार राजशाहीबाट बिपिएल खेलिरहेका तस्किनले ४ ओभरमा १९ रन खर्चेर ७ विकेट लिए ।

उनले ओपनरद्वय लिटन दास र तन्जिद हसनसहित शाहदात होसेन, चतुरंगा डेसिल्भा, अलाउदिन बाबु, मुकिदुल इस्लाम र शुभम रञ्जानलाई आउट गरे । उक्त खेलमा दरबार राजशाहीले ढाका क्यापिटल्सलाई ७ विकेटले पराजित गरेको थियो ।