म्यानमारमा १८० विदेशीसहित पाँच हजार बढी कैदी रिहा हुँदै
नेपाल प्रेस
२०८१ पुष २० गते १३:४६
काठमाडौं । म्यानमारका कैद भुक्ता गरिरहेका १८० विदेशी सहित ५ हजार ८६४ कैदीहरु रिहाई हुने भएका छन् ।
म्यानमारको स्वतन्त्रता दिवसको अवसर पारेर रिहाई हुने भएको हो । जर्मनीको विश्व च्यानल डिडब्लूका अनुसार ७७ औं स्वतन्त्रता दिवस मनाइरहेको म्यानमारले प्रजातन्त्रवादी नेतृ तथा नोबेर शान्ति पुरस्कार पाउने आङ सान सुकिलाई के गर्छ भन्ने कुनै टुंगो भने लागेको छैन ।
सुकिले विभिन्न कैद फैसलाका २७ वर्षको सजाय भोगिरहेकी छिन् । सन २०२१ फेब्रुअरी १ मा म्यानमारमा सेनाले सत्ता हातमा लिएपछि सुकि थुनिएकी छिन् ।
दशकौं नजरबन्दमा बसेकी सुकिलाई म्यानमारको सेनाले पटकपटक थुनामा राखिसकेको छ । जेलमा लगिसकेको छ । म्यानमारको प्रजातान्त्रिक आवाजको सबैभन्दा ठूलो बिम्ब सुकि नै हुन् ।
नेपाल प्रेस
प्रकाशित: २०८१ पुष २० गते १३:४६
प्रतिक्रिया
सम्बन्धित खवर
