ओली नेतृत्वको सरकार बनेपछि सत्ता र प्रतिपक्ष दलहरुबीचको संवाद रोकियो: प्रचण्ड (भिडिओ)

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले एमाले अध्यक्ष केपी शर्मा ओली नेतृत्वको सरकार बनेपछि सत्तापक्ष र प्रतिपक्षी दलहरुबीचको संवाद रोकिएको बताएका छन् ।

नेपाल राष्ट्रिय व्यवसायी महासंघको तेस्रो राष्ट्रिय महाधिवेशनलाई सम्बोधन गर्दै उनले आफू प्रधानमन्त्री हुँदा देशको समस्या समाधान गर्न राजनीतिक दलहरुबीच धेरै बैठक राखेको स्मरण गरे ।

उनले भने, ‘अहिले प्रतिपक्षसँग संवाद हुँदैन । संवाद गर्नेभन्दा पनि अहिले भन्ने गरिएको छ, सत्तामा हुँदा एउटा कुरा प्रतिपक्षमा हुँदा अर्को कुरा । हामीले विगतदेखि नै यो कुरा देखेको हो, तर मैले सुशासन, सामाजिक न्याय र आर्थिक समृद्धिको विषयमा प्रधानमन्त्री हुँदा पनि यही कुरा भनिराखेको थिएँ । अहिले पनि तीनै नारा र मुद्दा लिएर जनताको बीचमा गएको छु ।’