प्रचण्डलाई कांग्रेस सांसद खतिवडाको व्यंग्य- मसँग कुरा गर्दा मनमा पाप राख्नुहुन्न, ओलीसँग के गर्नुहुन्छ थाहा छैन (भिडिओ)

काठमाडौं । नेपाली कांग्रेसका सांसद रामहरि खतिवडाले देशको समस्या समाधान गर्न सबै दलहरु एकजुट भएर अघि बढ्नुपर्ने बताएका छन् ।

नेपाल राष्ट्रिय व्यवसायी महासंघको तेस्रो राष्ट्रिय महाधिवेशनलाई सम्बोधन गर्दै उनले देशको समस्या कुरा गर्दा पार्टी र जातिभन्दा माथि उठेर गर्नुपर्ने बताए ।

उनले अहिले कांग्रेस र एमालेबीच भएको गठबन्धन नेताहरु मन्त्री र प्रधानमन्त्री मात्रै हुन नभई देशको समस्या समाधान गर्न हुनुपर्ने बताए ।

सांसद खतिवडाले उद्योग व्यवसायीलाई हतोत्साहित हुने काम गर्न नहुने भन्दै प्रचण्डलाई व्यङ्ग्यात्मक शैलीमा भने, ‘तपाईं हक्की स्वभावको हुनुहुन्छ । मसँग कुरा गर्दा मनमा पाप राख्नुहुन्न । ओलीसँग गर्दा के गर्नुहुन्छ मलाई थाहा छैन । म त्यतातिर प्रवेश गर्न चाहन्न ।’