रोहित र विराटबारे गम्भीरले भने- उनीहरूमा अझै जोश छ

काठमाडौं । अष्ट्रेलियासँगको पाँचौ टेष्टमा पराजित हुँदै भारत विश्व टेष्ट च्याम्पियनसिपको फाइलन खेल्न असफल भयो । पाँचौ खेलमा ब्याटिङ राम्रो गर्न नसक्दा भारत १-३ ले सिरिज गुमाउन प‍ुग्यो । अष्ट्रेलियाविरुद्धको सिरिजमा कप्तान रोहित शर्मा र पूर्वकप्तान विराट कोहलीले राम्रो प्रभाव छोड्न सकेनन् । खराब फर्मका कारण कप्तान रोहित पाँचौं टेष्टमा प्लेइङ-११ बाहिर थिए ।

खेलपछि भारतीय टोलीका मुख्य प्रशिक्षक गौतम गम्भिरले विराट र रोहितमा अझै जोश रहेको बताएका छन् । उनले विराट र रोहितको भविष्य उनीहरूको छनोटमा भर पर्ने बताएका हुन् ।

‘हेर्नुहोस्, म कुनै पनि खेलाडीको भविष्यको बारेमा कुरा गर्न सक्दिनँ, यो उनीहरूको पनि भर पर्छ, गम्भीरले पत्रकारको प्रश्नको जवाफ दिँदै भने, ‘तर म के भन्न सक्छु कि उनीहरूमा अझै पनि भोक छ, उनीहरूमा अझै जोश छ, उनीहरू कडा मान्छे हुन्। र आशा छ कि उनीहरूले भारतीय क्रिकेटलाई अगाडि बढाउन जारी राख्न सक्छन् ।’

‘अन्ततः, हामी सबैलाई थाहा छ, उनीहरूले जे पनि योजना गर्छन्, उनीहरूले भारतीय जनताको हितको लागि योजना बनाउनेछन्,’ उनले थपे ।

गम्भीरले खेलाडीले व्यक्तिगत स्वार्थभन्दा माथि उठ्नुपर्ने बताए ।

उनले भने, ‘धेरै भनिएको छ, तर मुख्य कुरा यो हो कि व्यक्तिहरू आउन र जान्छन्, टोली र देश सधैं प्राथमिकतामा रहनु पर्छ । म विश्वास गर्छु कि म र अन्य खेलाडीहरू सहित सबैले व्यक्तिगत स्वार्थभन्दा माथि राख्नुपर्छ ।’