नेपाल बैंकका कर्मचारी र ग्राहकलाई क्रिष्टल डायग्नोस्टिकमा विशेष छुट

काठमाडौं । नेपाल बैंकका कर्मचारी र ग्राहकका लागि सिनामंगलस्थित क्रिष्टल डायग्नोस्टिक प्रालिमा उपचार गर्दा विशेष छुट हुने भएको छ ।

शुक्रबार उक्त छुटसम्बन्धी सम्झौता भएको हो । सम्झौताअनुसार बैंकका कर्मचारीहरूलाई र बैंकमा खाता रहेका ग्राहकहरूलाई प्याथोलोजी ल्यावको विविध सेवाहरूमा लाग्ने शुल्कहरूमा बिल रकमको १० प्रतिशत देखि ३० प्रतिशतसम्म छुट हुने व्यवस्था गरिएको छ ।

बैंकको तर्फबाट सहायक प्रमुख कार्यकारी अधिकृत प्रकाशकुमार अधिकारी र क्रिष्टल डायग्नोस्टिक प्रालिको तर्फबाट प्रबन्ध निर्देशक रवीन्द्र केसीले उक्त सम्झौतामा हस्ताक्षर गरे ।

यसबाट नेपाल बैंक लिमिटेडमा कार्यरत कर्मचारीहरू र बैंकमा खाता रहेका ग्राहकहरूले अस्पतालबाट प्रदान गरिने Generat pathotogy test, Molecular Test, Outsourcing Test, USG, ECHO, ECG, X-Ray, PFT, Endoscopy, Colonoscopy, RT-PCR Test लगायतका सेवाबाट लाभान्वित हुन सक्ने बताइएको छ ।