२ लाख सदस्य थप्ने एमालेको लक्ष्य- यस्तो छ वडा केन्द्रित पार्टी निर्माणको अवधारणा (पूर्णपाठ)

काठमाडौं । नेकपा एमालेले वडा केन्द्रित पार्टी निर्माण अभियान-२०८१ सम्बन्धी अवधारणा पत्रको प्रस्ताव तयार पारेको छ ।

जारी केन्द्रीय कमिटी बैठकमा प्रधानमन्त्री एवं अध्यक्ष केपी शर्मा ओलीद्वारा प्रस्तुत राजनीतिक प्रतिवेदनको अनुसूचीमा केन्द्रीय संगठन विभागका प्रमुख काशीनाथ अधिकारीले तयार पारेको अवधारणा पत्र राखिएको छ ।

जसमा कसैले कहिल्यै चुनौती दिन नसक्ने बलियो एमाले बनाउनका निमित्त नै स्थानीय स्तरबाटै पार्टी काम र संगठनलाई सबल बनाउन तीन महिना वडा–केन्द्रित पार्टी निर्माण विशेष अभियान सञ्चालन गर्न प्रस्ताव गरिएको छ ।

अभियानको पहिलो उद्देश्य तथा अपेक्षित उपलब्धिमा पार्टी जिल्ला कमिटीको निर्णयले २०८२ का लागि योग्य ठहरिएका सबै पार्टी सदस्यहरूले २०८१ चैतभित्रै सदस्यता नवीकरण गर्ने, ९० प्रतिशत पार्टी सदस्य अनलाइनमा आउने उल्लेख छ ।

त्यस्तै पार्टी सदस्यतामा दुई लाख नयाँ सदस्य थप हुने, हाल रहेको ७ हजार ५ सय ९ वडा स्तरको कमिटीमा थप ५ सय शाखा तथा वडास्तरका कमिटी गठन हुने, सबै वडास्तरका कमिटीहरुको अधिवेशन चैत मसान्तभित्र सम्पन्न हुने, हालका टोल स्तरका कमिटीमा ५ हजार कमिटीहरु थप निर्माण उल्खेख छ ।

विभिन्न उद्देश्य, गर्नुपर्ने कामको सूचीसहित अभियान सञ्चालनबारे अवधारणापत्रको प्रस्तावमा निम्न विषय उल्लेख गरिएका छन् ।