‘एक्टरः टेक वन’को ‘के भरोसा गरम’ सार्वजनिक, आना र दिव्यासँग रोमान्टिक प्रदीप (भिडिओ)

काठमाडौं । माघ १६ गतेबाट रिलिज हुने चलचित्र ‘एक्टरः टेक वन’को सशक्त गीत ‘के भरोसा गरम’ सार्वजनिक भएको छ ।

सार्वजनिक गीतको भिडियोमा अभिनेता प्रदिप खड्कालाई दुई नायिकाहरू आना शर्मा र दिव्या रायमाझीसँग प्रेममा रहेको देखाइएको छ । गीतमा त्रिकोणात्मक प्रेमकथा देखाएको छ ।

गीतको भिडियोले यस चलचित्रमा प्रदिपको दोहोरो भूमिका रहेको हुन सक्ने दर्साएको छ। गीतको भिडियोमा प्रदिप नायिका आनासंग बोल्न सक्ने र अर्कि नायिका दिव्या रायमाझीसंग बोल्न नसक्ने भूमिकाका देखिएका छन् ।

हर्कुलस बस्नेत र इन्दिरा जोशीको आवाज रहेको गीतमा उर्मिला गुरुङको शब्द र हर्कुलस बस्नेतको सङ्गीत स्वयंको संगीत रहेको छ। गीतमा किरण थापाले कोरियोग्राफी गरेका छन् भने कलर ग्रेडिङ राजेन्द्र मोक्तानको रहेको छ ।

चलचित्रको निर्देशन राजन भुसालले गरेका हुन् भने स्क्रिप्ट आकाश बराल र राजन भुसालको सहकार्यमा तयार गरिएको छ । चलचित्रमा प्रदिप, आना, र दिव्याका साथै राजबल्लभ कोइराला, दिव्य देव, उषा रजक, सृजना अधिकारी, र सुशील सिटौलालगायतका कलाकारहरूको प्रमुख भूमिका छ ।

‘एक्टरः टेक वन’ अधृत फिल्म्स् र अ मोती फिल्मको संयुक्त प्रस्तुति हो । यसका निर्माता थमन कुमार भण्डारी, क्रियटिभ निर्माता मोती कार्की र सह–निर्माता अनीश भुसाल रहेका छन् ।

चलचित्रका प्राविधिक पक्ष झन् प्रभावशाली देखिन्छन् । चलचित्रको छायाङ्कन नरेन्द्र मैनालीले गरेका हुन् भने सम्पादन निमेष श्रेष्ठले गरेका छन् ।