सदरमुकाम लैजान नदिएको भन्दै गाउँपालिका उपाध्यक्षले फोडिन् अध्यक्षको गाडी
नेपाल प्रेस
२०८१ पुष २१ गते १६:०८
सिरहा । सिरहाको विष्णुपुर गाँउपालिकाका अध्यक्ष सत्यनाराण यादवले चढ्ने सरकारी गाडी तोडफोड भएको छ ।
आइतबार उपाध्यक्ष गीताकुमारी सिंहले घरबाट सदरमुकाम जानको लागि गाडी उपलब्ध नगराएको भन्दै तोडफोड गरेकी हुन् ।
बा. २ झ ३६४३ नं को स्कारपियो ढुंगाले हानेर तोडफोड गरिएको उपाध्यक्ष सिंह आफैंले स्वीकार गरेकी छिन् ।
तोडफोडबाट गाडीको एउटा झ्याल र पछाडिको सिसा फुटेको छ ।
गाउँपालिकामा एउटै गाडी छ । त्यही गाडी पालो मिलाएर अध्यक्ष र उपाध्यक्ष चढ्छन् । पालिकाले भाडामा लिएको नीजि नम्बरको गाडी प्रमुख प्रशासकीय अधिकृत चढ्दै आएका छन् ।
गाडी तोडफोडबारे अध्यक्ष यादवले भने, ‘उपाध्यक्ष सिंहले विहान ९ बजे घरमा लिन आउन बोलाउनुभएको थियो । जान लागेकै थिए । तर उहाँले आएर आक्रोशित हुँदै गाडी तोडफोड गर्नुभयो ।’
नेपाल प्रेस
प्रकाशित: २०८१ पुष २१ गते १६:०८
प्रतिक्रिया
सम्बन्धित खवर
