वासिङटन पोस्टले साहु र ट्रम्पविरुद्ध भएको भन्दै छापेन कार्टुन, कार्टुनिस्टले दिए राजीनामा

काठमाडौं । अमेरिकाको अखबार वासिङ्टन पोस्टकी कार्टुन सम्पादकीयको नेतृत्व गर्ने एन टेल्नाइसले राजीनामा दिएकी छन् । उनले बनाएको एक कार्टुनको मुद्दालाई लिएर कार्टुन नछापिएपछि उनले राजीनामा दिएकी हुन् ।

उनले खर्बपति मिडिया तथा प्रविधिका साहुले कसरी डोनाल्ड ट्रम्पको पक्ष लिइरहेका छन् भन्ने सन्देश दिने कार्टुन बनाएकी थिइन्, तर उनको कार्टुन छापिएन ।

यस अगाडि कार्टुनको वासिङ्टन पोस्टका साहु जेफ बेजोस, प्याट्रिक सोन सिओङ, फेसबुक साहु मार्क जुकरबर्गलगायतका मिडिया र प्रविधि क्षेत्रका साहुहरुलाई लक्षित गरेको कार्टुन नछापिएको हो ।

अभिव्यक्ति स्वतन्त्रता, प्रेस स्वतन्त्रता तथा आलोचनात्मक चेतको पैरवी गर्ने वासिङ्टन पोस्टको नारै ‘अन्धकारमा लोकतन्त्र मर्छ’ भन्ने छ, तर यही मिडियाले एक कार्टुन निषेध गरेको र सम्पादकले राजीनामा दिएको भन्दै सर्वत्र आलोचना भएको छ ।

राजीनामा दिएकी कार्टुनिस्ट पुलित्जर अवार्ड विजेता कार्टुनिस्ट हुन् । पुलित्जर पत्रकारिता क्षेत्रको नोवेल पुरस्कारको रुपमा चित्रित गरिने पुरस्कार हो ।