‘ममी’ को ‘म त यसै नक्कली’ गीत सार्वजनिक

काठमाडौं । यही माघ २५ देखि प्रदर्शनमा आउन लागेको हरर फ्यामिली ड्रामा चलचित्र ‘ममी’ को ‘म त यसै नक्कली’ बोलको गीत सार्वजनिक भएको छ ।

काठमाडौंमा आज एक समारोहबीच गीत सार्वजनिक गरिएको हो । हर्क साउदको शब्द रहेको गीतमा समीक्षा अधिकारी र बिग्यानी पराजुलीको स्वर छ । त्यस्तै सङ्गीत एसडी योगीले भरेका छन् ।

माघ २५ गते रिलिज हुने सिनेमामा प्रियंका कार्की, दीया मास्के तथा सुलक्षण भारती प्रमुख भूमिका रहेको छ । सिनेमामा उनीहरुका अलावा समीप निरौला, घनश्याम जोशी, आयुषी ढकाल, जेभिस श्रेष्ठ, गीत विष्टलगायतका कलाकारहरूको अभिनय रहेको छ ।

सो ट्वान्टी फाइभको प्रस्तुतिमा निर्माण भएको सिनेमामा समर निरौला र पूर्णिमा जोशीको लेखन तथा समर निरौलाको निर्देशन रहेको छ । समर डेब्यू निर्देशक हुन् ।