यूएईको रसल खेमामा दूतावासको राहदानी नवीकरण शिविर : ३३५ नेपाली लाभान्वित

काठमाडाैं‌ । यूएईको रसल खेमाका नेपाली राजदूतावासले राहदानी नविकरण शिविर सम्पन्न गरेको छ । शिविरबाट ३३५ नेपालीहरुले लाभ लिएको राजदूतावासले सार्वजनिक गरेको छ ।

अबुधाबीबाट ३०० किलोमिटरको दूरीमा रहेको क्षेत्रमा राहदानी वितरण शिविर राखिएको हो । राहदानी हराएका, राहदानीको म्याद सकिएका लगायतका समस्याहरु शिविरबाट समाधान गरिएका थिए ।

आइतबार भएको शिविरको कार्यक्रममा ५५० नेपाली श्रमिकहरुलाई नेपाल तथा यूएईका कानूनबारेमा जानकारी पनि दिइएको थियो ।

कार्यक्रमबारेमा राजदूतावासले भनेको छ, ‘भविष्यमा आयोजना गरिने यस किसिमका कार्यक्रमहरुमा समेत यूएइमा रहेका सम्पूर्ण नेपाली संघसंस्था लगायत नेपाली दाजुभाइ तथा दिदीबहिनीहरुको सक्रिय सहभागिता तथा सहयोग रहने नेपाली राजदूतावास हार्दिक अपेक्षा गर्दछ ।’