भूकम्पको केन्द्रबिन्दु नेपालबाट कति नजिक, क्षति कहाँ-कति भयो ?
नेपाल प्रेस
२०८१ पुष २३ गते ७:४८
काठमाडौं । मंगलावर बिहानै चीनको तिब्बत क्षेत्रमा भूकम्प गएको छ ।
अमेरिकाको भू-गर्भ संस्था यूएसजीसीले ७.१ र ५.२ रेक्टरका दुई वटा भूकम्प गएको बताएको छ ।
भूकम्पको केन्द्रबिन्दु नेपालको सोलुखुम्बुको लोबुछे क्षेत्रबाट क्रमसश ९३ र ५२ किलोमिटर उत्तरपूर्व तिब्बतमा रहेको उल्लेख छ ।
भूकम्पबाट भएको क्षतिको विवरण भने आइसकेको छैन । मधेश प्रदेशबाट संवाददाता सन्तोष यादवका अनुसार त्यहाँ पनि भूकम्पको धक्का महसुस भएको छ ।
यस्तै हेटौँडाबाट धर्मेन्द्र दाहालका अनुसार त्यहाँ पनि सर्वसाधारण बिहानै घरबाट बाहिर निस्किएका छन् ।
यसैगरी चितवनबाट प्रतिमा सिलवालका अनुसार चितवनमा भूकम्पको कम्पन महसुस भएको तर क्षति भएको जानकारी भने नआएको जिल्ला प्रहरी कार्यालय चितवनका डिएसपी ज्ञानकुमार महतोले जानकारी दिए ।
यस्तै लुम्बिनीबाट रामप्रसाद आचार्यका अनुसार प्रदेशका विभिन्न जिल्लामा भूकम्पको धक्काको महसुस भए पनि कुनै क्षति नभएको प्रदेश प्रहरी कार्यालयले जनाएको छ ।
नेपाल प्रेस
प्रकाशित: २०८१ पुष २३ गते ७:४८
प्रतिक्रिया
सम्बन्धित खवर
