एसी मिलानले जित्यो इटालियन सुपर कप
नेपाल प्रेस
२०८१ पुष २३ गते ९:२८
हेटौँडा । पछि परिसकेको अवस्थामा पुनरागमन गर्दै एसी मिलानले इटालियन सुपर कपको उपाधि जितेको छ ।
एसी मिलानले आफ्नो चिरपरिचित प्रतिस्पर्धी इन्टर मिलानलाई ३-२ ले पराजित गर्दै सुपर कपको उपाधिमा कब्जा जमाएको ओ ।
साउदी अरेबियाको अल अवाल पार्कामा भएको खेलको सुरुवाती अग्रता भने इन्टरले लिएको थियो ।
इन्टरको तर्फबाट लौटारा मार्टिनेजले पहिलो हाफको अतिरिक्त समयमा गोल गर्दै टिमको समर्थकलाई खुसी तुल्याएका थिए ।
इन्टरले दोस्रो हाफको दोस्रो मिनेटमा नै मेहेदी तारेमीले गोल गर्दै टिमलाई २-० मा लगे ।
त्यसयता भने खेलमा एसी मिलान फर्कियो । उसले ५२ औँ मिनेटमा हर्नान्डेजको गोल मार्फत अग्रतालाई कम गरेको थियो ।
खेलको ८० औँ मिनेटमा क्रिस्टियन पुलिसिकले गोल गरेपछि दुवै मिलानहरू बराबरीमा पुगे ।
नियमित समयसम्म बराबरीको अवस्थामा रहेको खेलको इन्जुरी समयको तेस्रो मिनेटमा एसी मिलानका टमी अब्राहमले गोल गरेपछि एसी मिलानले इटालियन सुपर कपको आठौँ उपाधि जितेको हो ।
नेपाल प्रेस
प्रकाशित: २०८१ पुष २३ गते ९:२८
प्रतिक्रिया
सम्बन्धित खवर
